Sunday, July 4, 2010

الكابتن برافو ....تحميلة كوميدية


 
ننقل لكم بكل فخر و مع بداية الكوارتر أي قبل نزول "التارجت الجـديد" قصة
 الكابتن برافو
***********
يحكى أن في قديم الزمان عاش ملاح يدعى" الكابتن برافو
.. كان رجلاً بكل معنى الكلمة ،فطيلة حياته لم يشعر بأي خوف في مواجهة أعدائه


في يوم من الأيّام، أثناء رحلة طويلة فيما وراء البحار ، لاحظ بحار برج المراقبة سفينة قراصنة فأصيب طاقم السفينة بالذعر..
ولكن الكابتن برافو صاح قائلا:
هـاتولي قميصـي الأحمـر


فأحضر له مساعده الأول قميصه الأحمر في الحال؛ ثم جرت معركة تصدى فيها الطاقم للقراصنة بقيادة الكابتن برافو الذي كان في مقدمة المدافعين و تكللت المعركة بالنصر


بعد قليل لمح بحار برج المراقبة سفينتـي قراصنة،
فصاح فيهم الكابتن برافو مرة أخرى:
هـاتولي قميصـي الأحمـر
ثم تصدى للقراصنة ثانية و تمكن من هزيمتهم أيضاً


في ذلك المساء, جلسّ الرّجال على ظهر السّفينة وأخذوا يروون قصص إنتصاراتهم


أثناء ذلك اليوم ،وقد سأل أحد البحارة الكابتن برافو: سيدي الكابتن.. هل لي أن أسألك لماذا طلبت قميصك الأحمر قبل كل من المعركتين؟


أجاب الكابتن: إذا ما جرحت أثناء المعركة فإن قميصي الأحمر يجعل البحارة لا يرون دمي مما يجعلهم يستمرون في المقاومة بشجاعة
صمت جميع البحارة وهزوا رؤوسهم إعجابا بقائدهم




في صباح اليوم التالي ، اكتشف بحار برج المراقبة عشر سفن للقراصنة تقترب


فتوجهت عيون الجميع نحو الكابتن برافو في إنتظار طلبه المعتاد


حدّق الكابتن برافو بالعيون الفولاذيّة التي شخصت نحوه و بدون خوف صاح


هـاتولـي بنطلـوني البنـّي

******************************************

يعني يا دكتورنا  لو جالك التارجت حلو و على قد اديك لازم تقاتل برضه
و تلبس القميص الأحمر عشان تحقق و تعوض ف اللي فات و نحوش للي جاي

و لو جه فيه زيادة ضعف ما انت متوقع ...فأكيد لازم تلبس القميص الأحمر عشان السنة كلها ما تنضربش بالكوارتر ده
أما لو جه عليه عشر أضعاف الزيادة اللي انت متوقعها

فحافظ على هدوءك و رباطة جأشك
و البس
البنطلون البني





ملحوظة :
جهز البنطلون البني من أولها ما حدش ضامن الظروف






Friday, May 7, 2010

و يعود إلينا د.محمود سامي بتحميلة جديدة

و كاركااااااتيييييييييير جديييييييد
من صفات صيدلي النهدي

بيعرف يعمل( جروث)ـ
Growth

Sunday, May 2, 2010

د - أحمد نوح يخرج عن صمت السبع سنين بخطاب من أب حنون؟؟؟




رسالة أب غبى الى ولده



ولدى الحبيب،،،

أكتب لك هذا الجواب، فإذا لم يصلك أخبرني، لكي أرسله لك مرة أخرى.

أنا أكتب لك ببطء لأنني أعرف أنك لا تجيد القراءة بسرعة.

هذا الجواب سوف أرسله مع أخوك عبد العال وهو الآن نائم لذا سأضعه في جيبه حتى لا أنساه وأنت تعرف أخوك فهو ينسى كثيراً لذا فإذا نسي أن يعطيك إياه مد يدك في جيبه الأيمن وخذه.

الجو هنا رائع، لم تتساقط الأمطار الأسبوع الماضي إلا مرتين فقط، المرة الأولى إستمر المطر ثلاثة أيام متواصلة، والمرة الثانية أربعة أيام فقط.

بالنسبة للمعطف الذي تود أن أرسله لك سيكلف كثيراً في الشحن، لأن أزراره ثقيلة جداً لذا قُمت بنزع الأزرار ووضعتها في أحد جيوب المعطف.

بالمناسبة فان أخاك وجد عملاً بعد طول إنتظار... وهو مسئول عن ما يقارب 500 شخص!!! تصور؟! نعم هذا حقيقي... فهو يقوم بتنظيف الأعشاب عن القبور.

أُختك مرزوقة حامل ولكننا لا نعرف حتى الآن جنس المولود، لذلك فلن يكون بإمكاني إخباركِ إذا كنت ستصبح خالاً أم عمّا!!!

وإذا رُزِقَت بطفل فسوف تسميه على إسمي... والله هذه أول مرة أسمع فيها أحد يسمي إبنه "أبويا"!!! بس برضه فيها الخير.

سافرنا مع أخوك قرني بسيارته الجديدة إلا أنه وقع في مشكلة كبيرة... فقد أقفل سيارته والمفاتيح بداخلها، واضطر للعودة إلى المنزل ليجلب المفتاح الآخر... لكي يخرجنا من داخل السيارة.

مع حبي... أبوك الحنون

ملاحظة: أردتُ أن أضع لك بعض النقود في الظرف، لكني مع الأسف تذكرت ذلك بعد أن أغلقته.

---------------------------------------------------------------------------------



Monday, April 26, 2010

الدكتور عبد الحميد المقابل ----- ومشاركة أكثر من مفاجأه

الأحاسيس التى تربط المدير بالموظف
صوره معبره و أول ما تشوفها يبقى نفسك تقول أأأأأأأأأأأأأأأأأأأأأأأأأ

Saturday, April 24, 2010

ليه تدخل صيدلة --- بقلم د.محمود غباره - صيدلية العالمية

ليه تدخل صيدلة

اولا كلية الصيدلة كغيرها من كليات القمة تعطيك برستيج لايتوفر فى غيرها من الكليات فتصبح الدكتور راح الدكتور جه
 اما لاسمح الله لو كنت كلية تانية فتتحول بقدرة قادر الى:
 الزفت راح الزفت جه....... الزفت لسه مخمود بسلامته

اما لو كنت من منطقة شعبية فانا اضمن لك ان تصبح رمز الطب فى المنطقة فلن يخلو باب بيتك ابدا من احدى الجارات التى تسالك عن افضل دواء للسكر او الضغط اومفاصلى بتوجعنى يابنى وحاسة ان جسمى مكسر) او حتى عن احسن مرهم لتسلخات الحفاضات وده بالرغم انك ممكن تكون فى اعدادى لسه وما أخد تش غير نبات وحيوان ولسه مدخلتش على البنى ادمين يامعلم

دخولك الصيدلة يجعلك مفخرة الاسرة فلن يخلو حديث والدك ابدا من كلمة (وابنى الدكتور فلان عمل كذا او ذهب الى الحتة الفلانية) او حتى لما يقدمك لحد متعرفوش اقدملك ابنى الدكتور فلان كلية صيدلة يتحدث عنك كانك عميد الكلية مش لسه مجرد طالب ويمكن شايل صناعية كمان

اما اذا كنت من النوع اللذيذ اللى بيقلب الفلوس على السيد الوالد فهذه فرصتك فلا تتردد فتستطيع ان تسحب كل شوية فلوس على حس الكتب وادوات المعمل والكورسات اه مش كلية عملية بقى وضحيت عشان تحقق حلم السيد الوالد ان يكون له ابن دكتور يبقى يدفع بقى ياعم والا والله احول بكره اداب

دخول الصيدلة يحميك من كل تلك الاتاوات اللى يفرضها عليك عمال وفنييى المعامل فى الكليات الاخرى وخصوصا طب وعلوم وكل سنة وانت طيب يادكتور والتى لاتعرف لها اى مناسبة ربما هو عيد ميلاد العامل نفسه او حتى النظرات الصامتة من طراز تعاطفك لوحده مش كفاية ولازم تدفع نصف جنيه عشان تاخد كراسة العملى اما لو مكنش معاك فكة فسيب الجنيه لاخوك بنية صافية
دخول الصيدلة يمنحك الحرية اللى تمنتها
 فيمكنك ان تتاخر لاى ساعة من الليل بحجة ان عندك سكاشن سوارييه او كان عندك كورس وعندما يكلمك والدك على الموبايل فتخبره انك مش لاقى مواصلات عشان السواقين عاملين اضراب عشان ارتفاع اسعار البنزين وانك زعلان جدا عشان التاخير بينما انت زعلان عشان زيدان اتصاب وانت بتلعب بلاى استيشن
 مع وائل عند احمد عادل فى المحل
دخولك الصيدلة يجعلك عريس لقطة لاى واحدة على اساس انك صيدلى بقى وبتلعب بالفلوس لعب (ميعرفوش اللى فيها)خصوصا لو زوجتك مش صيدلانية يعنى اما لو اكتشفت الحقيقة بعد الجواز وانك يامولاى كما خلقتنى فبتكون الفاس وقعت فى الراس وخلاص ادبست يا معلم وسلملى على الشفافية
دخولك الصيدلة وعدم دخول الطب يحميك من كل التبعات التى تاتى بعد ذلك من الاصابة بالربو نتيجة استنشاق الفورمالين فى المشرحة الى تنطيط واحد بتاع دبلوم عليك لانك مدير الوحدة الصحية(ومانتش لابس البالطو ليه يادكطور) الى تحكم الدكتور الللى انت بتعمل رسالتك تحت اشرافه فيك وطلبه منك اشياء غريب (وعايز منك دراسة للدورة الدموية لفار امه ميتة ومراته اتطلقت منه واتجوزت تانى)
دخولك الصيدلة يحميك من نصب الاطباء معدومى الضمير(على اساس ان مبروم على مبروم ميلفش)ـ

فتذهب الى هذا الطبيب تشكو من الام فى الظهر فيكتب لك على مسكنات فالاضافة الى نوعين او ثلاثة من الفيتامينات (وده على اساس ايه يامعلم شايفنى بطوح قدامك من التعب) وهكذا تذهب الى الصيدلية فتحضر المفيد فقط وتلقى بقية الروشتة فى اقرب سلة مهملات او ان يكتب لك على شوية تحاليل ملهاش لازمة تعملها فى معمل المدام(ياباشا انا عندى الام فى الظهر اعمل تحليل دهون ليه

وهكذا تعرف ان الدكتور ده نصاب ومترحلوش تانى
دخولك الصيدلة يتيح لك فتح صيدلية وبالتالى تحصل على اى دواء تحتاجه دون ان ينظر لك احد كده ولا كده كما يتيح لك ايضا الحصول على تلك الادوية التى تسهل لك امورك فى جميع المصالح والهيئات الحكومية حتى لو كانت المطار
واخيرا مزاجك ياأخى تدخل صيدلة
 حد ليه حاجة عندك

د.محمود غبارة -صيدلية العالمية

Friday, March 26, 2010

التحميلة الأولى .............صيدلي النهدي

يا صيادلة .....يا رب تعجبكم رسومات د- محمود سامى - ص المشاعر

و ده أول كاركتيييييييييييييييييييير

هو ده صيدلي النهدي

رغم اللي شايله ده كله

لكنه برضه بيكمل